پاکستان کے زرمبادلہ ذخائرمیں کتنا اضافہ ہوگیا، شاندار تفصیلات

اسلام آباد (نیوز ڈیسک)وفاقی وزیر حماد اظہر کہتے ہیں کہ ہم نے ملک کے زرِ مبادلہ کے ذخائر میں اضافہ کیا ہے۔چیئرمین سینیٹ صادق سنجرانی کی زیرِ صدارت سینیٹ کا اجلاس ہوا جس کے دوران وقفۂ سوالات میں وفاقی وزیر حماد اظہر جواب دے رہے تھے۔انہوں نے بتایا کہ جب ہم آئے تھے تو اسٹیٹ بینک کے ذخائر 8 ارب ڈالرز تھے، اب اسٹیٹ بینک کے ذخائر 12 سے 13 ارب ڈالرز ہیں۔حماد اظہر کا یہ بھی کہنا ہے کہ ہم اوسط 10 ارب ڈالرز سالانہ واپس بھی کر رہے ہیں۔سینیٹ اجلاس میں وزارتِ خزانہ کی جانب سے تحریری

جواب بھی جمع کرایا گیا ہے جس میں بتایا گیا ہے کہ 2018ء تا 2020ء حکومت نے قومی مالیاتی اداروں سے 4اعشاریہ 5 ٹریلین روپے کے اندرونی قرضے لیے۔تحریری جواب میں وزارتِ خزانہ نے کہا ہے کہ حکومت نے شیڈیولڈ بینکوں سے 1 اعشاریہ 8 کھرب اور اسٹیٹ بینک سے 3 اعشاریہ 6 ٹریلین روپے قرض لیا۔علاوہ ازیں وزارت اقتصادی امور کے جواب میں کہا گیا ہےکہ 12 سال میں ایف بی آر کی تنظیم نو کے لیے 14 کروڑ 39 لاکھ ڈالرز کا اضافہ ہوا اور گزشتہ 12 سال میں ایف بی آر کے ٹیکس اکٹھا کرنے میں 309 فیصد اضافہ ہوا۔

اپنا تبصرہ بھیجیں