کراچی(نیوز ڈیسک) شہر قائد کے علاقے حب چوکی کے قریب فٹبال میچ کے دوران گراؤنڈ میں دھماکا ہوا ہے۔ابتدائی معلومات کے مطابق کراچی کے علاقے حب چوکی اللہ ٹاؤن کے قریب واقع فٹ بال گراؤنڈ میں اُس وقت دھماکا ہوا جب وہاں ٹورنامنٹ کا دو مقامی ٹیموں کے درمیان میچ جاری تھا۔ریسکیو ذرائع کے مطابق شائقین کی بیٹھنے والی جگہ پر دھماکا ہوا جس کے نتیجے میں دس افراد زخمی ہوئے جن میں ٹیموں کے کھلاڑی بھی شامل ہیں۔
ذرائع کے مطابق زخمی ہونے والے افراد کو حب کے سول اسپتال منتقل کیا گیا، جہاں انہیں طبی امداد فراہم کی جارہی ہے۔ ڈاکٹرز نے زخمیوں کی حالت کو خطرے سے باہر قرار دیا ہے۔ریسکیو ذرائع کے مطابق بظاہر ایسا محسوس ہوتا ہے کہ دھماکا کریکر کا تھا، جو کوئی گراؤنڈ میں پھینک کر فرار ہوا۔دھماکے کے مطابق سیکیورٹی فورسز کی بھاری نفری جائے وقوعہ پر پہنچ گئی ہے، جہاں سے انہوں نے اہم شواہد اکھٹے کیے جبکہ واردات کی جگہ پر آمد و رفت بھی مکمل بند کردی ہے۔
