کراچی: بین الاقوامی بلین مارکیٹ میں فی اونس سونے کی قیمت 5ڈالر اضافے کے بعد 1786ڈالر کی سطح پر پہنچ گئی۔جب کہ مقامی صرافہ مارکیٹوں میں فی تولہ اور فی دس گرام سونے کی قیمتوں میں بالترتیب 100روپے اور 86روپے کا اضافہ ہوگیا۔ قیمتوں میں اضافے کےاثرات کراچی، حیدرآباد، سکھر، ملتان، لاہور، فیصل آباد، راولپنڈی، اسلام آبا،د پشاور اور کوئٹہ کی صرافہ مارکیٹوں پر بھی مرتب ہوئے۔مقامی صرافہ مارکیٹوں میں فی تولہ سونے کی قیمت بڑھ کر 104100روپے اور فی دس گرام سونے کی قیمت بڑھ کر 89249روپے ہوگٸی۔ تاہم فی تولہ چاندی کی قیمت بغیر کسی تبدیلی کے 1350روپے اور دس گرام چاندی کی قیمت بھی بغیر کسی تبدیلی کے 1157.40روپے پر مستحکم رہی ہے۔
