اسلام آباد (نیوز ڈیسک) میں چاہتا ہوں کہ پوری قوم پاکستان کو سرسبز بنانے کے میرے مشن میں حصہ لے، وزیراعظم عمران خان نے نتھیاگلی میں درخت لگانے کی تصاویر سوشل میڈیا پر شیئر کر دیں- تفصیلات کےمطابق سماجی رابطوں کی ویب سائٹ ٹویٹر پر اپنے ایک ٹویٹ میں وزیراعظم عمران خان نے کہا ہے کہ میں چاہتا ہوں کہ پوری قوم پاکستان کو سرسبز بنانے کے میرے مشن میں حصہ لیں ،ا نہوں نے کہا کہ مون سون ٹری پلانٹیشن کے سلسلے میں، میں یہ درخت لگا رہا ہوں-اس سے قبل بھی وزیراعظم عمران خان نے سماجی رابطوں کی ویب سائٹ ٹویٹر پرکیے گئے اپنے ایک ٹویٹ میں
کہا تھا کہ سوات کے علاقے مٹہ میں بنجر پہاڑ سبزہ اوڑھ رہے ہیں جو خیبرپختونخوا میں ہماری بلین ٹری سونامی مہم کے حیرت انگیز نتائج کی کرشماتی جھلک ہے۔ربِ ذوالجلال کی مدد شاملِ حال رہی تو ہم ایک صاف اور سرسبز و شاداب پاکستان اپنی آئندہ نسلوں کے حوالے کریں گے، انشاءاللہ۔واضح رہے کہ بلین ٹری سونامی کا آغاز 2014 میں پاکستان میں خیبر پختونخوا کی حکومت نے عالمی درجہ حرارت کے چیلنج کے جواب کے طور پر کیا گیا تھا۔ پاکستان کے بلین ٹری سونامی نے بون چیلنج کے عزم کو عبور کرنے کے لئے 350000 ہیکٹر جنگلات اور انحطاط پذیر زمین کو بحال کیا۔اس منصوبے کا مقصد درجہ بند جنگلات کے ماحولیاتی نظام کو بہتر بنانا ہے ، اسی طرح نجی ملکیت میں کچرے اور کھیتوں کی اراضی ہے ، اور اس وجہ سے متعلقہ کمیونٹیز اور اسٹیک ہولڈرز کے ساتھ قریبی تعاون سے کام کرنے کی ضرورت ہے تاکہ وہ اس منصوبے کے فروغ اور توسیع کی خدمات کو بروئے کار لا کر ان کی بامعنی شرکت کو یقینی بنائے۔ اس منصوبے کو اقوام متحدہ سمیت عالمی سطح پر بڑی پذیرائی حاصل ہوئی،یہاں تک کہ سعودی عرب نے بھی ایسا ہی منصوبہ مملکت میں شروع کیا، جس کے تحت بڑے پیمانے پر سعودی عرب میں درخت لگائے جا رے ہیں۔بلین ٹری سونامی پروجیکٹ حکومت خیبر پختونخوا کے سبز نمو کے نظریہ سے چلتا ہے جو جنگلاتی ترقی کو پائیدار بنانے ، سبز روزگار پیدا کرنے ، صنف کو تقویت دینے ، پاکستان کے قدرتی سرمائے کے تحفظ اور ماحولیاتی تبدیلیوں کے عالمی مسئلے پر بھی توجہ دینے کے لئے ہے۔
