دوستوں سے شرط لگا کر چوک میں سرعام برہنہ ہوکر نہانے والے شخص کو گرفتار کرلیا گیا

اوکاڑہ (مانیٹرنگ ڈیسک) دیپال پور کے نواحی علاقے بصیر پور میں پانچ سو کی شرط کے لیے چوراہے پر برہنہ ہو کر ٹھنڈے پانی سے نہانا شہری کو مہنگا پڑ گیا۔تفصیلات کے مطابق اوکاڑہ میں دیپال پور کےنواحی علاقے بصیر پور میں دوستوں سے شرط لگا کر سر بازار برہنہ ہو کر ٹھنڈے پانی سے نہانے والا ملزم عرفان شاہ پکڑا گیا۔پولیس کا کہنا ہے کہ ٹھنڈے پانی میں نہا کر 500 روپے کی شرط جیتنے والے کو گرفتار کر لیا گیا ہے، ملزم عرفان شاہ کے خلاف مقدمہ بھی درج کر دیا گیا۔رپورٹس کے مطابق ملزم نے چوراہے کے بیچ پانچ سو روپے

کی شرط پر برہنہ ہو کر ٹھنڈے پانی سے نہایا تھا، مقامی افراد نے نہانے کی ویڈیو بھی بنائی، جس پر مقامی پولیس نے فوری کارروائی کرتے ہوئے بے ہودگی پھیلانے کے الزام میں عرفان شاہ کو گرفتار کر لیا۔شرط ملک ندیم اور عرفان شاہ کے درمیان لگی تھی، سخت سردی میں لوگوں کے سامنے ٹھنڈے پانی سے برہنہ ہو کر نہانے کی یہ شرط عرفان شاہ نے جیت لی، تاہم واقعے کی ویڈیو سامنے آئی تو پولیس متحرک ہو گئی۔واقعے کی ویڈیو سوشل میڈیا پر بھی شیئر کی جا رہی ہے، جس میں ملزم کو کپڑے اتار کر ہینڈ پمپ سے پانی نکال کر نہاتے دیکھا جا سکتا ہے۔

اپنا تبصرہ بھیجیں